தத்துபித்துவம் - 3

Posted by SanjaiGandhi™

கடந்த வியாழன் அன்று விஜ்ய டிவி சார்பில் கோவை இந்துஸ்தான் கல்லூரி வளாகத்தில் “கமலும் காதலும்” என்ற தலைப்பில் SPB தலைமையில் நிகழ்ச்சி நடைபெற்றது. கமல் நடித்த படங்களில் இருந்து காதல் ரசம்( இதை கலந்து சோறு சாப்ட முடியுமா?) சொட்டும் 30 பாடல்களைப் பாடினார்கள். ஆரம்பத்தில் சுமாராகத்தான் இருந்தது. SPB , சித்ரா, சைந்தவி தவிர மற்றவர்கள் லேசாக அல்லது நல்லாவே சொதப்பினார்கள். அதுவும் ஸ்ரீதர் பார்த்தசாரதி வந்து பாடும் போதெல்லாம் மகாஜனங்கள் கொத்துக் கொத்தாக தடைகளைத் தாண்டி குதித்தோடினார்கள். முக்கால்வாசிக் கூட்டம் காலியான பின் எங்களையும் சேர்த்து சில நூறு பேர் மட்டுமே இருந்தோம். அதன் பிறகு தான் கச்சேரியே கலை கட்டியது. முதலில் மெலடி பாடல்களில் தட்டுத் தடுமாறின இளம் பாடகர்கள் பின் ஹைபிட்ச் குத்துப் பாடல்களில் பின்னிப் பெடலெடுத்தார்கள். கடைசியாக அனைவரும் சேர்ந்து சில பாடல்களின் சில வரிகளைப் பாடினார்கள். அட அட.. சூப்பரப்பு.. அதிலும் முதல் பாடலாக ”அம்மாவும் நீயே” பாடலைப் பாடின சைந்தவி அந்தப் பாடலைப் பாடுவதற்காகவே பிறவி எடுத்திருப்பார் போல. சபாஷ் சைந்தவி. சைந்தவிக்கும் இசை அமைப்பாளார் ஒருவருக்கும் காதல் இழையோடுவதாக சொல்லப் படும் வதந்தியை யாரும் நம்பவேண்டாம் என கண்ணீரும் கம்பலையுமாகக் கேட்டுக் கொள்கிறேன். சைந்தவி பாடல்களை ரசிக்க இங்கே

எப்போவுமே துக்கத்துல இருக்கிறவங்களை வச்சி காமெடி பண்ணா கடுப்பாய்டும். ஆனா சிலர் அதையும் மீறி ரசிக்க வச்சிடுவாங்க. மறைந்த ஆந்திர முதல்வர் ராஜஷேகர ரெட்டி விபத்தில் இறக்கவில்லையாம். விஜய் காங்கிரசில் சேர்வதாக வந்த செய்தியைத் தாங்கிக் கொள்ள முடியாமல் தற்கொலை செய்துக் கொண்டாராம். விஜய் நடித்த படங்களை மட்டும் வச்சிக் காமெடி பண்ணவங்களுக்கு இப்போ புதுசா அரசியலும் கிடைச்சாச்சி. விஜய் வச்சி காமெடி பண்ணி தினமும் லட்சக் கணக்கான ( ச்ச.. இதுக்கு தான் சாரு ப்ளாக் படிக்கக் கூடாதுன்னு சொல்றது.. அதுல சொல்லி இருக்கார் “காலையில் 10 முட்டை, ஒரு கிலோ மாமிசம், இரண்டு லிட்டர் பால்; மதியம் பத்து கோழி, 20 முட்டை, 2 கிலோ காய்கற்கள் என்று இப்படியாகப் போகும் அவர்களுடைய உணவுப் பட்டியல்.") SMS வரும்.

இளைஞர் காங்கிரஸ்ல சேர்வதற்கு 35 வயதை கடந்திருக்கக் கூடாதுன்னு சொன்னதும் நிறைய பேருக்கு குழப்பம். ராகுல்காந்திக்கு 39 வயது ஆய்டிச்சே. அவருக்கு இந்த விதி பொருந்தாதா என்று கேட்கிறார்கள். ராகுல்காந்தி , இளைஞர் காங்கிரசின் உறுப்பினர் கூட இல்லை. அவர் கட்சியின் பொதுச் செயலாளர். மற்றப் பொதுச் செயலாளர்கள் எல்லாம் எதாவது மாநிலங்களுக்கு பொறுப்பாளர்களாக இருப்பார்கள். ராகுல்காந்தி , மாணவர் மற்றும் இளைஞர் காங்கிரசிற்கு பொறுப்பாளராக இருக்கிறார். இளைஞர் காங்கிரஸ் தலைவர் பெயர் அசோக் தன்வர். மாணவர் காங்கிரஸ் தலைவர் பெயர் ஹிபி எடன்.

சில சமயங்களில் அரசியல் செய்திகள் படிக்கும் போது மிக அரியத் தகவல்கள் எல்லாம் எல்லாம் தெரியவரும். சமீபத்தில் ஜீவியில் வீரபாண்டி ஆறுமுகம் குடும்பம் பற்றிய செய்தி படித்தேன். அவருக்கு(ம்) மனைவி துணைவி இருக்கிறார்களாம். மனைவி சேலம் பூலாவாரியிலும் துணைவி சென்னையிலும் இருக்கிறார்கள். துணைவிக்கு பிரபு என்கிற மகன் இருக்கிறாராம். தற்போது சேலத்தில் துவங்கி இருக்கும் VSA பொறியியல் கல்லூரியின் தலைவராக மனைவி மகன் ராஜா MLAவும்( கருணாநிதி குடும்பம் போல் தந்தையும் மகனும் MLAவாக இருப்பது வீரபாண்டி ஆறுமுகம் குடும்பத்தில் தான்) தாளாளராக துணைவி மகன் பிரபுவையும் நியமித்திருக்கிறார். மேட்டர் இது இல்ல. வீரபாண்டியாரின் துணைவி , நடிகை மீனாவின் சொந்த சித்தியாம். வரலாறு முக்கியம் அமைச்சரே.

20- 20 ஓவர் கிரிக்கெட் போட்டிகள் ஆரம்பித்த போது கிரிக்கெட்டின் பாரம்பரியம் அழியும் என பலரும் சொன்னதை மேலும் பலரும் மறுத்தார்கள். இப்போது சச்சின் டெண்டுல்கர் புது ஃபார்முலா வெளியிட்டிருக்கிறாராம். ஒரு நாள் போட்டியை 25 , 25 ஓவராக தவணை முறையில் ஆடினால் விறுவிறுப்பாக இருக்குமாம். நல்லா சொல்றாங்கய்யா ஓசனை. 20-20 போட்டிகள் அதிக அளவில் நடைபெற்ற கடந்த 12 மாதங்களில் தோனி தான் உலகிலேயே அதிகம் சம்பாதிக்கும் கிரிக்கெட் வீரராம். 50 கோடியுடன் தோனி முதல் இடத்திலும் 40 கோடியுடன் சச்சின் 2வது இடத்திலும் இருக்கிறாராம். ஸ்டேடியத்துக்கு வெளியே விளம்பரங்கள்ல நல்ல தான் ஆடறாங்க. இது கூட இல்லைனா எப்புடீ?. இதே ரீதியில் பின்னூட்டத்தில் ஐடியா தருபவர்களுக்கு அடுத்த 1-1 பால் கிரிக்கெட் போட்டியில் முதல் பந்தை எதிர்கொள்ளும் வாய்ப்பு வழங்கப் படும்.

TheRisingSun என்ற புதிய ஆங்கில வார இதழ் தமிழகத்தில் ஆரம்பிக்கப் பட்டுள்ளது. நிறுவனர் : முத்தமிழறிஞர் மு. கருணாநிதி. திமுக, தேசியக் கட்சியாக வளர்ந்துவிட்டதாக சொல்லப் படும் நிலையில் விரைவில் இந்தியில் வார இதழோ நாளிதழோ எதிர் பார்க்கலாம்.

உன்னைப் போல் ஒருவன் ட்ரைலர் பட்டையைக் கிளப்புது. இதன் இந்தி வெர்ஷனான Wednesday மிக அற்புதமாக இருந்தது. உ.போ.ஒருவன் இசை ஸ்ருதி கமல். ட்ரெய்லரில் அசத்தலாக இருக்கிறது. படம் பார்க்க ஆவலைத் தூண்டுகிறது.


அம்புட்டு தான்..