ரப்பர் பஞ்சத்தை எற்படுத்திய ச்சீமான்

Posted by SanjaiGandhi™

மாணவர்கள் உபயோகிக்கும் ரப்பருக்கு தமிழகத்தில் பஞ்சம் தலைவிரித்தாடுவதாகவும் அதனால் தேர்வுகளைத் தள்ளிப் போட தேர்வுத்துறை உத்தேசித்துள்ளதாகவும்  செய்திகள் கசிந்தவண்ண்ம் உள்ளது. கசிவை அடைக்கா அரசாங்கம் போர்க்கால நடவடிக்கையில் செயல்படுவதால் ப்ளம்பர்கள் பஞ்சமும் தலைவிரித்தாடுகிறதாம். இதனால் தேங்காய் எண்ணெய் வியாபாரிகள் குஷியில் இருக்கிறார்களாம்.அரசாங்க சாராயத்துக்கு இணையாக தேங்காய் எண்ணெய் விற்பனை ஆவதாக ஏஜென்ஸி செய்திகள் கூறுகின்றன. ரப்பர் பஞ்சத்தை உறுதிபடுத்த எமது புலனாய்வு சொரி சிறங்கு படையை க்ரேன் உதவியுடன் களத்தில் இறக்கினோம்.

எமது புலயாய்வுப் படை, இலங்கைத் தேர்வுத்துறையை.. சாரி புகடன் படிக்கும் நினைவில் சொல்லிவிட்டேன்.. தமிழகத் தேர்வுத்துறையில் முக்கிய அதிகாரிகளை அணுகினோம். ஜாதகம் தர விரும்பாத ஒரு மூத்த அதிகாரி,” உண்மைதான். தமிழகத்தில் யாரும் யூகிக்க முடியாத வகையில் மாணவர்கள் பயன்படுத்தும் ரப்பருக்கு பஞ்சம் வந்துவிட்டது.நாங்களும் எல்லா இடங்களிலும் விசாரித்துவிட்டோம். ஸ்டாக் இல்லை என்பதே பதில். கேரளாவுக்கு சென்று ரப்பர் தோட்ட விவசாயிகளை நேரடியாக அணுகினோம். தமிழகத்தில் இருந்து வந்து கூடுதல் விலை கொடுத்து வாங்கி சென்று விட்டார்களாம். அவர்கள் குழந்தைகளுக்குக் கூட இல்லையாம். பெரும் மர்மமாக இருக்கிறது. விஷயம் காவல் துறையின் விசாரணையில் இருக்கிறது” என்றார்.

தமிழக காவல்துறை உயர் அதிகார்களிடம் இது பற்றி விசாரித்தோம்.ரேஷன் பதுக்கலுக்கே பாதுகாப்புக் குடுக்க முடியாமல் .. இல்ல..இல்ல.. ரேஷன் பதுக்கலையே சமாளிக்க முடியாமல் தவிக்கும் போது நம் ஆட்ச்சிக்கு.. சாரி.. தமிழக அரசுக்கு நெருக்கடி தர வேண்டும் என எதிர்க்கட்சிகள் செய்த சதியாகத் தான் இருக்கும். இதை கண்டுபிடிக்க ஏசி வாஞ்சிநாதன் தலைமையில் தனிப் படை அமைத்துள்ளோம். விரைவில் கழகத்தின் மீதான.. சாரி சாரி.. காவல் துறையின் மீதான நம்பிக்கையை மீட்டெடுப்போம் ” என முடித்துக் கொண்டார் அந்த கழக அதிகாரி.

இந்த இதழ் அச்சேறுவதற்கு சில நொடிகள் முன்னர், வாஞ்சிநாதனின் விசாரணை அறிக்கை நம் ரகசிய சோர்ஸ்கள் மூலம் கிடைத்தது. அதை ரப்பரை பதுக்கியவர் பற்றியும் அதற்கான காரணமும் இருந்தது. விரைவாக கண்டுபிடித்து நம்மை ஆச்சர்யப் படுத்திய ஏசி வாஞ்சிநாதனுடன் தொலைபேசியில் பேசினோம். “ எந்தத் தடையமும் இல்லாமல் தவித்த எங்களுக்கு, முக்க்ஹீர்ரன் என்ற குஜால் பத்திரிக்கையின் இணையதளத்தில் வந்த செய்தி விசாரணைக்கு பேருதவியாக இருந்தது. அவர் வீட்டில் கைப்பற்றப் பட்ட ரப்பர்களை எல்லாம் எல்லா பள்ளிகளுக்கும் அனுப்பி வைத்துள்ளோம். மாணவர்கள் அதை பயன்படுத்தலாம். தேர்வுகள் பாதிக்காது” என்றார்.

அந்த செய்தி : காங்கிரசை அழிப்பதற்கு, எந்தவொரு செயலில் ஈடுபடவும் தயாராக இருப்பதாக இயக்குனர் சீமான் கூறினார்.