Mini Meals v 3.01.10

Posted by SanjaiGandhi™

இலங்கைத் தேர்தல் முடிவுகள் செம குழப்பம். புலிகளையும் பொது மக்களையும் கொன்று குவித்த இருவருக்கும் போட்டிப் போட்டு ஓட்டுப் போட்டிருக்கிறார்கள் இலங்கைத் தமிழர்கள். புலிகள், ஆயுத பலத்தில் மக்களை அடிமைப் படுத்தி வைத்திருந்தார்கள் என சொல்லப்பட்டது நிஜம் தானோ?. தமிழகத்தின் புலனாய்வுப் பத்திரிக்கைப் புலிகள் அறிவித்த “ புலிகள் ஆசி பெற்ற அரசியல் கட்சிகள்” போட்டிப் போட்டுக் கொண்டு இரண்டு கொலைகாரர்களையும் ஆதரித்தார்கள். அப்போதே இந்தியத் தமிழர்கள் காமெடியர்களணார்கள். இதில் சிவாஜிலிங்கம் தான் பாவம்.. மிகப்பெரிய காமெடியர் ஆனார். இவருக்கு கிடைத்த வாக்குகள் 9962. கடந்த இந்தியப் பாராளுமன்றத் தேர்தலில் இவர் , பிஜேபிக்கு வாக்கு கேட்டு பிரச்சாரம் செய்தார். சொந்த நாட்டிலேயே 9662 வாக்குகள் தான். கூரை எறிக் கோழிப் பிடிக்க முடியாதவன் வானம் ஏறி வைகுந்தம் போனானாம்..

ஜேம்ஸ் கேமரூனின் அவதார் படம், தொழில்நுட்ப ரீதியிலும் வியாபார ரீதியிலும் பெரும் வெற்றி அடைந்திருக்கிறது. உலக அளவில் அதிக வசூலை வாரிக் குவித்ததாக கருதப் பட்ட இதே கெமரூனின் டைட்டானிக்கின் 1.843 பில்லியன் டாலர் சாதனையை  கடந்து அவதார் படம் 1.859 பில்லியன் டாலர் வசூலின் மூலம்  புதிய வியாபார சாதனைப் படைத்திருக்கிறது. அவதாரின் தயாரிப்பு செலவு 237 மில்லியன் டாலர்( 300மில்லியன் டாலருக்கு குறைவாக இருக்காது என்பது ஹாலிவுட் வட்டாரங்களின் கணிப்பாம்). பண்டோரா கிரகம் அதன் மொழி உட்பட பலவும் கேமரூனின் கற்பனையே. உண்மையான உழைப்புக்கும் அதை முழுமையாக்குவதற்கான காத்திருத்தலுக்கும் கிடைத்த பலன் இது. கமலஹாசனின் தவத்தின் மீது மரியாதை அதிகரிக்கிறது. நிச்சயம் ஒருநாள் அவர் இந்திய கேமரூனாவார்.

தமிழ்மணம், வாக்களிப்பில் புதிய முறையை அறிமுகப் படுத்தி இருக்கிறது. பதிவுகளுக்கு வாக்களிப்பவர்களின் பெயர் தெரிவது போல் செய்திருக்கிறார்கள். அதை வைத்து நம் வலைமகாஜனம் விளையாட ஆரம்பித்துவிட்டது. பிரபலமான பதிவர்களின் பெயரில் கணக்கு ஆரம்பித்து அவர்களின் நண்பர்களுக்கு எதிர் ஓட்டுப் போடுகிறார்கள். சமீபத்தில் ஒரு பதிவருக்கு அனைத்தும் மைனஸ் ஓட்டுகளாக இருந்தது. அதில் ஒரு பெயர் sankara4. கேபிள்சங்கரின் மெயில் ஐடியில் கணக்கை ஆரம்பித்து யாரோ விளையாடுகிறார்கள். அவரின் தமிழ்மனம் ஐடி cablesankar. இந்த வசதியை உடனே நீக்க வேண்டும். வாக்களிப்பவர்கள் விவரம் ரகசியமாக வைக்கப் படும் என்பது ஆரம்பத்தில் விதியாக இருந்த ஞாபகம். இப்போது அது என்னவாயிற்று எனத் தெரியவில்லை. இதனால் எற்படும் குழப்பங்களை சொல்லி இதை நீக்க வேண்டும் என தமிழ்மணத்திற்கு மெயில் அனுப்பினேன். வேலைப்பளுவோ என்னவோ இதுவரை பதில் இல்லை. ஐந்தெழுத்து பெண் பதிவர் பெயரிலும் மைனஸ் ஓட்டுகள் குத்தி தள்ளுகிறார் ஒருவர். ஒரே பெயரில் கணக்கை ஆரம்பிக்க தமிழ்மணம் அனுமதிக்கிறது. ( ie : sanjai, Sanjai ) வாக்களிப்பவர்களின் ஐபி முகவரி தமிழ்மணம் சர்வரில் பதிவாகும் எனபதும் அதை வைத்து கறுப்பு ஆடுகள் இனம்காணப் படுவார்கள் என்பதும் சிலருக்கு தெரியவில்லை போல.

சில நாட்களுக்கு முன் ஒரு நண்பனுக்கு காரில் இருக்கும் ஆடியோ ப்ளேயரில் கேட்பதற்கு சிடியில் பாடல்களை பதிவு செய்ய முயற்சிக்கும் போது Music என்ற பிரிவில் Audio CD என்ற வசதியை கொண்டு பதிவு செய்ய பார்த்தேன். அதில் நேர அளவில் தான் பதிவாகிறது. சில பாடல்கள் மட்டுமே பதிய முடிகிறது. அதற்கு பதில் Music என்பதிலேயே Jukebox Audie CD  என்ற பிரிவை பயன்படுத்தி பதிவு செய்தால் ஃபைல் அளவைக் கொண்டு பதிவாகிறது. நூறுக்கும் மேற்பட்ட பாடல்களை பதியலாம். இது எல்லா வகை ஆடியோ ப்ளேயர்களிலும் செயல்படுகிறது. நான் Neroவை பயன்படுத்துகிறேன். இது சப்பை மேட்டராக இருக்கலாம். ஆனால் என்னைப் போன்ற பாமரர் யாருக்காவது பயன்படும் என்பதால் பகிர்ந்துக் கொள்கிறேன்.

வெட்டான்குடி பறவைகள் சரணாலையம்

  சிவகங்கை மாவட்டத்தில் உள்ள ஒரே பறவைகள் சரணாலையம். மதுரையிலிருந்து 51கிமீ தொலைவில், மேலூர் - திருப்பத்தூர் சாலையில் உள்ளது. காரைக்குடியிலிருந்து 30கிமீ. காரைக்குடி அல்லது மதுரை வரை ரயிலிலும் பின்னர் சாலை வழியாக செல்ல வேண்டும். காரைக்குடி , மதுரை மற்றும் திருப்பத்தூரில் தங்கும் வசதிகள் உள்ளன.

தொடர்புக்கு
Wildlife Warden
Gulf of Mannar Biosphere Reserve
Mandapam, Ramanathapuram.
Phone:04567-230079