புத்தாண்டு டைரி - Friendship Special

Posted by SanjaiGandhi™

2010ஆம் ஆண்டு நண்பர்கள் சந்திப்புடனேயே நகர்ந்துக் கொண்டிருக்கிறது. 31.12.2009 அன்று இரவு நண்பர்களுடன் புத்தாண்டு கொண்டாட்டங்கள் களைகட்டியது. வடகரைவேலன், செல்வேந்திரன், ராம்கோபால்( பதிவர் மயில்விஜியின் கணவர்), பரிசல்காரன் மற்றும் வெயிலான் ஆகியோருடன் வாலையாறில் பாடகி உஷா உதூப்பின் கச்சேரியில் கலந்துக்கொண்டு விழாவை சிறப்பித்து பின் நடந்த நிகழ்வுகளில் விலாவையும் சிறப்பித்து வந்தோம்.

எனக்கு செண்டிமெண்ட்ஸ் எதுவும் இல்லை. ஆனாலும் சில சமயங்களில் சில சம்பவங்கள் அப்படி நினைக்க வைத்துவிடும். வருடத்தின் முதல் SMS ” நல்லா இருப்போம்.. நல்லா இருப்போம்.. எல்லாரும் நல்லா இருப்போம்” என்று ஜோவிடம் காப்பி அடித்து வந்திருந்தது, புதிய எண். அனுப்பியவர் யார் எனத் தெரிந்ததும் செண்டிமெண்ட் வலுக்கட்டாயமாக எட்டிப் பார்த்தது. அதற்கு முன்வரை அவரிடம் பேசியதும் இல்லை.

ஒன்றாம் தேதி மதியம், வீட்டிற்கு ரமணி வந்தான். பள்ளிக்கூட நண்பன். பக்கத்து ஊர்க்காரனும் கூட. சந்திப்புகள் அரிது. மாலை ஸ்வாமி ஓம்காரின் தினம் தினம் திருமந்திரம் புத்தக வெளியீட்டிற்கு சென்றேன்.ரமணி, அருள்மொழி, அன்புராஜ், தங்கவேல் ஆகிய பள்ளிக்கால நண்பர்கள் எனக்காக காத்திருந்ததால் நிகழ்சி முடியும் முன்பே வந்துவிட்டேன். அன்று இரவு ஐவரும் கதற கதற கலாய்ச்சிகொண்டோம். பின் ஒரு ரோட்டோர ஹோட்டலில் சாப்பிட்டோம்.


இரண்டாம் தேதி நான், ரமணி, அன்புராஜ் மற்றும் ரமணியின் நண்பர் சந்ரு ஆகியோர் ஆழியாறு மற்றும் குரங்கு அறுவி சென்றுவிட்டு மாலை வீடு திரும்பினோம். அன்றைய நாள் டார்கெட் ரமணி தான். மாலைவரை அவனை கலாய்த்தும் போர் அடிக்கவில்லை. நல்லா இருடா மச்சான்.

மூன்றாம் தேதி மாலை நான், ரமணி, அன்புராஜ் ஆகியோர் அருள்மொழி வீட்டிற்கு சென்று அவனையும் அவன் மனைவியையும்( என் பள்ளி ஜூனியர் :) ) அழைத்துக் கொண்டு தங்கவேல் வீட்டிற்கு சென்றோம். இருவரும் பல ஆண்டுகளாக கோவையில் தான் இருக்கிறார்கள். இதுவரை அவர்கள் வீட்டிற்கு போனதில்லை. நானாவது பரவால்ல. 2 கிமீ தூரத்துல இருக்கேன். அருளும் தங்கவேலும் அடுத்தடுத்த தெருவில் இருக்கிறார்கள். ஒருவர் மற்றவர் வீட்டிற்கு சென்றதில்லை. இதுவே கிராமமாக இருந்தால்....

தங்கவேல் வீட்டில் இரவு உணவு சாப்பிடத் திட்டம் இருந்தாலும் அவன் மனைவி கர்ப்பினியாக இருப்பதால் தொந்தரவு வேண்டாம் என வெளியில் சாப்பிடலாமே  என்று கோவை உணவுத்திருவிழா சென்றோம். அம்மாடி.. என்னா ஒரு கூட்டம். மைதானத்தின் புழுதியும் மக்கள் கூட்டமும் அங்கு சாப்பிடும் எண்ணத்தை மண்மூட செய்துவிட்டது. பிறகு 9 மணிக்கு ராயப்பாஸில் நுழைந்து போனாப் போகட்டும் என 11 மணிக்கு கிளம்பினோம். அந்த 3 நாட்கள் மறக்க இயலாதவை. பள்ளி படிப்பிற்கு பின் 5 பேரும் ஒன்றாக சந்திப்பது இதுவே முதல்முறை. இன்னும் தொடரும் அந்தப் பள்ளியின் நண்பர்கள் சிலருக்கு தொலைபேசி கெட்ட வார்த்தையில் வாங்கிக் கட்டிகொண்டதும் நல்லா தான் இருந்துச்சி. :). என் வாழ்நாளில் நான் அதிகம் மகிழ்சியாக இருந்தது PDR பள்ளியில் படித்த கடைசி 2 ஆண்டுகள் தான். கல்லூரி வாழ்க்கை கூட அவ்வாறு இல்லை.

ஈரோட்டு இலக்கிய சிங்கம் கார்த்தி, உறவினர்களுடன் வீட்டிற்கு வந்தார். சிவ விலாசில் நல்லதொரு காலை உணவு.

அடுத்த சில நாட்களில் ஈரோடு கதிர், ஆரூரான் விஸ்வநாதன், பழமைபேசி, செல்வேந்திரன் , வடகரைவேலன் அண்ணாச்சியுடன் அஞ்சப்பரில் மதிய உணவுடன் இனிமையான சந்திப்பு.

வார இறுதி நாட்களின் முன் ஒரு மாலை வேளை மயில்விஜியும் அவர் கணவர் ராம்கோபாலும் தோசை, வெங்காய சாம்பார் மற்றும் கம்பங்கூழ் சகிதம் வீட்டிற்கு வந்து சிறப்பித்தனர்.

நேற்று (10.1.2010) எழுத்தாளர் ஆதி@தாமிரா கோவைக்கு விஜயம் செய்தார். மதியம் அவரை அழைத்துக் கொண்டு வேலன் அண்ணாச்சி வீட்டில் சுவையான மதிய விருந்து, பின்னர் செல்வேந்திரன் வீட்டிற்கு சென்று 9 மணி வரை இலக்கிய சூழல் பற்றி உரையாடினார்கள். நவீன இலக்கியத்தில் இசக்கி முத்துவின் பங்களிப்பு பற்றி அதிகம் பேசினார்கள்.எனக்கு வழைக்காய் பஜ்ஜியும், உருளைகிழங்கு சிப்ஸ், இளநீர் மற்றும் ஜெல் மிட்டாய்.

17ஆம் தேதி பெரியக்கா ஜி3யின் வருகைக்காக வெய்ட்டிங்.

( யாரையாச்சும் விட்டுட்டேனா? எழுதி எழுதி தீர்த்தப் பின்னும் எதோ ஒன்று குறையுதே.. வழக்கம் போல் எழுத்துப்பிழைகளுக்கு மன்னிக்கவும் . )

இந்தப் பதிவை எழுத முதல்முறையாக ப்ளாகரின் புதிய கம்போஸ் முறை பயன்படுத்தினேன். அட!.. ரொம்ப சவுகர்யமா இருக்கே.