ரீமா டார்லிங்கின் ஆயிரத்தில் ஒருவன் - வரலாறு முக்கியம் பதிவரே

Posted by SanjaiGandhi™

ஒருவழி/லியாய் ஆயிரத்தில் ஒருவன் பார்த்தே விட்டேன். மின்னலே படத்தில் மட்டும் தான் ரீமா அழகாய் இருந்தார் என நினைத்திருந்தேன். ஆஒவின் ஆரம்பக் காட்சியில் ரீமாஆஆஆஆஆ.. அட அட என்ன அழகு.. என்ன அழகு.. என்னை ஏதோ செய்துவிட்டாள்.. ஆண்ட்ரியாவுடன் ஆரம்பத்தில் தோழமையுடன் பேசும் போதே அழகிலும் முக பாவனைகளிலும் கலக்குகுறார். அகழ்வாராய்ச்சி அணியை வழிநடத்தும் போதும் கப்பலில் கார்த்தி படுக்கைக்கு அழைக்கும் போதும் மிக அழகான திமிரை முகத்தில் கொண்டுவருகிறார்.

பாடல்காட்சிகளில் ஆக்ரோஷமான ஆட்டமாகட்டும் இடுப்பை வளைத்து நெளித்து நளினமாக ஆடுவதாகட்டும்.. அப்படியே நம்மை கொஞ்சம் கொஞ்சமாக தின்றுவிடுகிறார். அடி கள்ளி.. இவ்வளவு திறமைகளை எங்கேயடி ஒளித்து வைத்திருந்தாய் எனக் கேட்கத் தோன்றுகிறது. இதோடு திரும்பிப் போய்டலாம் என சொல்லும் கார்த்தியை , நீ பொட்டையாடா எனக் கேட்டு உசுப்பேத்தும் போது அந்த ஏளனம் வேறு யாருக்கும் வரமா என்று தெரியவில்லை. துப்பாக்கியை எடுத்து , தன்னை தாக்க வரும் காட்டுவாசிகளையும் பின்னர் பாம்புகளை சுடும் போது செய்யும் சாகசங்களையும் பார்க்கும் போது இந்தியாவின் ஏஞ்செலினா ஜூலியாய் ஜொலித்தார்.. டாம் ரைடர் மாதிரி பாம்ப் ரைடராக ரீமாவால் கலக்க முடியும்.

துப்பாக்கிக் குண்டு தீர்ந்ததும் கார்த்தியின் முதுகில் ஏறிக்கொண்டு காட்டும் பயமும் அபபவித்தனமும் சராசரிப் பெண்ணுக்கே உரியது.. சபாஷ் செல்லமே.. தான் வரும் ஒவ்வொரு காட்சியிலும் தனி முத்திரைப் பதிக்கிறார் ரீமா. சோழர்கள்(?) கிராமத்தைக் கண்டுபிடித்ததை விடியோ கேமராவில் பதிவு செய்யும் போது ஒரு குழந்தையைப் போன்று பேசுகிறார்.. பார்த்திபன் அண்ட் கோவின் நம்பிக்கையைப் பெற்று தனி அறையில் அவருக்கு செய்தி(ஹிஹி) சொல்லும் போது தன்னைவிட அழகான பெண்ணைக் காட்டுங்கள் பார்க்கலாம் என சவால் விடுகிறார். இன்னும் இன்னும் ரீமாவைப் பற்றி சொல்ல ஆயிரம் ஆயிரம் இருந்தாலும் இப்போதைக்கு இது போதும்.

ஆண்ட்ரியா பாவம்.. என்ன செய்வதென்றே தெரியாமல் வருகிறார்.. ரீமா பின்னிப் பெடலெடுக்கும் போது இவர் தேமேவென்று தெரிகிறார். குளிரில் நடுங்கும் போது கார்த்தியை கட்டிப் பிடிக்கும் ஒரு காட்ச்சிகாக இந்த அழகுப் பெண்ணை வீணடித்திருக்கிறார் செல்வராகவன். ஆனால் பாடல்கள் எல்லாம் அழகாய்ப் பாடி இருக்கிறார். மயக்கும் குரல். மற்ற இசை அமைப்பாளர்களும் பயன்படுத்தலாம். உன் மேல ஆச தான் பாடலில் அழகாய் ஆடவும் செய்கிறார்.ஆனாலும் ரசிக்கும்படி பெரிதாய் ஒன்றும் இல்லை..

படத்தை பலரும் நார் நாராய்க் கிழித்துத் தொங்கப் போட்டுவிட்டதாம் பெரிதாய் சொல்ல எதுவும் இல்லை என்றாலும் வரலாறு முக்கியாயிற்றே. இவன் ஆயிரத்தில் ஒருவன் விமர்சனம் எழுதவே இல்லை என்று சொல்லி வருங்கால வலையுலகம் ஒதுக்கிவிடக் கூடாது பாருங்க. முதல் பாதி மிகச் சிறப்பாகவே இருக்கிறது. விரு விரு சுறு சுறு.. ஓவ்வொரு காட்சியும் அடுத்த காட்சியின் மீதான எதிர்பார்ப்பை அதிகரிக்கச் செய்கிறது. இடைவேளையுடனே படம் முடிந்துவிடுகிறது. ஆனாலும் எதற்கு அதற்குப் பிறகான கட்சிகள் என்றுத் தெரியவில்லை. இடைவேளைக்குப் பிறகு, எவனுக்காச்சும் தைரியம் இருந்தா இது போன்ற ஒரு கேவலமான படத்தை எடுத்துக் காட்டுங்கள் என பேரரசு வகையறாக்களுக்கு சவால் விட்டிருக்கிறார் செல்வராகவன். லாஜிக், சோழர், அடிமைகள் , புண்ணாக்குப் , பொடலங்காய் என எதுவும் பார்த்து நான் சொல்லவில்லை. ஒவ்வொரு ஃப்ரேமிலும் ரத்தம் ரத்தம் ரத்தம். இது ஃபேண்டசி என்று சொல்லப் பட்டதால் ஒரு பிரமாண்டமான வரலாற்றுக் கார்ட்டூன் படம் பார்க்கப் போகும் மனநிலையில் தான் சென்றேன். ஆனால் அபப்டி எல்லாம் ஒரு ம....ண்ணும் இல்லை.

முதல்பாதி படத்தை நிச்சயம் பார்க்கலாம். இரண்டாவது பாதியை பார்க்காமல் இருப்பது உங்கள் பாவச் செயல் எண்ணிகையில் ஒன்று கூடாமல் இருக்க உதவலாம். சிலரின் பாசிட்டிவான விமர்சனத்தைப் படித்து விட்டு , இந்தப் படத்தை கிழித்து தொங்கப் போட்டவர்களிடம் படத்திற்கு ஆதரவாய்ப் பேசியது எவ்வளவு பெரிய அபத்தம் எனப் புரிகிறது.சிலர் சொன்னதைப் போல், இதில் புரியாத கதை என்றெல்லாம் ஒன்றும் இல்லை. புரியாத அளவுக்கு சிக்கலாம கதை எல்லாம் இல்லை. மிக எளிமையாகதான் இருக்கு.

பாண்டியர்களுடனான போரில் தோல்வியுற்ற சோழர்கள், பாண்டியர்களின் குலதெய்வம் சிலையை எடுத்துக் கொண்டு ஓடிவிடுகிறார்கள். அதை கைப்பற்ற பாண்டியர்கள் வந்து விடக் கூடாது என சாமர்த்தியமான 7 ஆபத்துகளை விட்டுச் செல்கிறார்கள். அதைத்தாண்டி யாரும் சென்றதில்லை போல. ரீமா சென், கார்த்தி, ஆண்ட்ரியா குழுவினர் 7 தடைகளையும் கடந்து அந்த இடத்தை அடைந்துவிடுகிறார்கள். சோழர்கள் வரைந்து வைத்திருக்கும் ஓவியத்தின் படி கார்த்தி, அங்கு வந்து சோழ வாரிசை காக்க வேண்டியவர்.  பாண்டியர்களில் மிஞ்சிய 8 பேரில் ஒருவர் தான் ரீமா சென். அவர் சோழர் இடத்திற்கு செல்வதே குல தெய்வத்தின் சிலையைக் கைப்பற்றி சோழர்களை பழிவாங்கத்தான். சோழர்களுக்காக கார்த்தி போரிடுகிறார். ரீமா, ராணுவத்தின் உதவியுடன் சோ கால்ட் சோழர்களை பிடித்து ஒரு முகாமில் அடிமைகளாக வைக்கிறார். இதில் இருந்து தப்பிக்கும் கார்த்தி, சோழர்களின் வாரிசை தோலில் சுமந்தபடி செல்கிறார். சோழர்களின் பயணம் தொடரும் என்பதோடு படம் முடிகிறது. இதில் புரியாமல் போக என்ன எழவு இருக்கு?

டிஸ்கி: நமீதாவுக்கு மட்டுமே இடம் அளித்த என் இதயக் கோயிலில் இனி ரீமா மட்டுமே குடி இருப்பார் என அதிகாரப் பூர்வமாக அறிவிக்கிறேன்.