ஜெயமோகனை ரவுண்டு கட்டிய பதிவர்கள்

From கவிஞர் கலாப்ரியா பாராட்டு விழா எங்க ஊர்ல இப்டி தான் ரவுண்டு கட்டுவோம்.. உங்க ஊர்ல? :-)

நேற்று ( 09.05.2010) கோவையில் விஷ்ணுபுரம் வாசகர் பேரவை சார்பில் கவிஞர் கலாப்ரியாவுக்கு பாராட்டுவிழா நடைபெற்றது. நிகழ்ச்சியை செல்வேந்திரன் தொகுத்து வழங்கினார். பதிவரும் கவிஞருமான வா.மணிகண்டன் , கவிஞர் சுகுமாறன், எழுத்தாளர் நாஞ்சில் நாடன், கவிஞர் வெண்ணிலா, எழுத்தாளர் ஜெயமோகன், மரபின் மைந்தன் முத்தையா ஆகியோர் கலந்துக் கொண்டனர்.

நிகழ்வின் சிறப்பம்சங்கள்

• மாண்புமிகு சஞ்சய்காந்தி அவர்கள் கலந்துக் கொண்டார்..
• ஜெயமோகன் மிகக் குறைவாகப் பேசினார்.. ( நீயெல்லாம் இருந்தா எப்டிடா அதிகம் பேசத் தோனும்?).தூக்கக் கலக்கத்திலேயே கலந்துக் கொண்டார் போல.. 
• என் ப்ரார்த்தனை பலித்தது.. பெரியவர் ஞானி வரவில்லை.. காலாவதியான கம்யூனிசம் பற்றி பக்கம் பக்கமாக பேசி இருப்பார்.. அவ்வ்வ்..
• கவிஞர் வெண்ணிலா, ரயில்நிலையத்தில் நடந்த ஒரு சம்பவத்தை சொன்னார். ஒரு பெரியவர், காதல் மணம் முடித்து பின் பிறந்த வீட்டிற்கே வந்துவிட்ட தன் மகளை எதோ ஒரு ஆசிரமத்தில் விட சென்றுக் கொண்டிருந்தாராம். அந்தப் பெண்ணிற்கு சிறுவயதில் ஒரு மகன். பெரியவர் அவனை வீட்டிற்கு அழைத்து வந்துவிடுவாராம். அந்த சிறுவனுக்கு இனி தன் தாயைப் பார்க்கும் சூழல் கிட்டுவது சந்தேகம் என்றான். நேற்று அன்னையர் தினம். 
• மணிகண்டன் கொஞ்சம் பதட்டமாக காணப்பட்டார். வேகமாக பேசினார். பேசுவது மனதில் நிற்கவில்லை. ஏராளமாக எழுதி வந்திருப்பார் போல. அவ்வளவும் பேசி விட வேண்டும் என மிக வேகமாக பேசிக் கொண்டிருந்தார். மணி, கவனம். கல்லூரியில் படிக்கும் போது நண்பர்களிடம் பில்டப் கொடுப்பதற்காகவே பல கவிஞர்கள் பெயரை சொல்லிக் கொண்டிருப்பாராம். ;)
• செல்வெந்திரன் பதட்டம் இல்லாமல் இயல்பாய் தொகுத்து வழங்கினார். டிவிக்கு போங்க பாஸ்..
• செம்மொழி மாநாட்டில் கோவைக்காரர்களுக்கு விருப்பம் இல்லை என்பது நாஞ்சில்நாடன் பேச்சிலும் தெரிந்தது. சில நாடுகளில் “ நீங்கள் இனனர்ர் பிறந்த நாட்டிற்கு வந்துள்ளீர்கள்” என விமான நிலையங்களில் பேனர் இருக்குமாம். நம் நாட்டில் அது போல் இல்லை என வருத்தப் பட்டார். வண்ணதாசன், நாவல் எழுத சொல்லி தனக்கு 6 கடிதம் எழுதிய பின்னரே முதல் நாவல் எழுதினாராம்.
• மரபின் மைந்தன் முத்தையா மிக சுவாரஸ்யமாக இயல்பாய் பேசினார். மேடைப் பேச்சு விளையாடுகிறது நாவில்.
• கிட்டத்தட்ட அனைவருமே கலாப்ரியாவின் இரண்டு கவிதைகளை குறிப்பிட்டார்கள். 1. அவள் அழகாய் இல்லை என்பதால் எனக்கு தங்கையானாள் . 2. பறவைகளின் பாஷை தெரியவில்லையே என வருத்தப் படுவது போல் ஒரு கவிதை.
• இவை இரண்டையும் பெரும்பாலும் எல்லாராலும் பேசப்படும் கவிதை என கலாப்ரியா குறிப்பிட்டார். தன் மனைவிக்கு நன்றி சொன்னார். நேற்று சரியான நாள் தான்.
• 1972 அக்டோபரில் ஒரு நாள் கோவிலுக்கு சென்றாராம் கலாப்ரியா. அப்போது ஒரு குறுகிய இடைவெளியில் எதிரில் ஒரு பெண் வந்தாராம். அவரை இடித்து விடக் கூடாது என்பதற்காக முடிந்தவரை விலகி நின்றாராம். அந்தப் பெண் அழகாக இல்லையாம். ஒருவேளை அழகான பெண்ணாக இருந்தால் இடித்திருப்பாராம். இந்த நிகழ்வு தான் அந்த கவிதை எழுத காரணமாம். :)
• திருப்பூரிலிருந்து 2 லாரிகளில் வெயிலான் தலைமையில் பதிவர்கள் திரண்டு வந்திருந்தார்கள். அனைத்துப் பதிவர்களுடன் ஜெயமோகன் மிக நட்பாய் நீண்ட நேரம் பேசிக் கொண்டிருந்தார். 

விவரமாக இலக்கிய சிங்கங்கள் எழுதுவார்கள்.. நான் சென்ற போது ஒரு பெண் வரவேற்புரை நிகழ்த்திக் கொண்டிருந்தார். யாரெனத் தெரியவில்லை.

பிஸ்கி: இரும்படிக்கிற இடத்துல ஈ க்கு என்ன வேலை எனக் கேட்கும் எதிர்கட்சியினருக்கு ஒன்று மட்டும் சொல்லிக் கொள்ள விரும்புகிறேன். 9 மனி முதல் 12 மணி வரை மின் தடை. ஊட்ல குந்திகினு இன்னா தான்யா செய்றது?



குசும்பனுக்கு எச்சரிக்கை: இந்த படங்களில் இருக்கும் பதிவர்களை வைத்து எதும் கிண்டல் செய்ய நினைத்தால் கடும் விளைவுகளை சந்திக்க நேரிடும் என எச்சரிக்கிறேன்.